Учреждение «Редакция районной газеты «Калінкавіцкія навіны»
Юридический адрес: 247710 г. Калинковичи, ул. Дзержинского,25
Дата регистрации: 20.05.2009 г., св-во о регистрации №380
Форма собственности: коммунальная
Учредителями учреждения «Редакция районной газеты «Калінкавіцкія навіны» являются Калинковичский райисполком, Калинковичский районный Совет депутатов, УРРГ«Калінкавіцкія навіны» .
Главный редактор УРРГ «Калінкавіцкія навіны» Татьяна Андреевна Аргунова-Веко.
Учреждение «Редакция районной газеты «Калінкавіцкія навіны» — некоммерческая организация, юридическое лицо, созданное собственником для осуществления социально-культурных функций через производство и выпуск газеты, которые финансируются за счет собственных средств.
Целью создания учреждения является распространение правдивой, объективной информации о событиях в мире, республике, области, Калинковичском районе, о деятельности государственных органов, общественных объединений, о политической, экономической, культурной жизни, социальной сфере, состоянии окружающей среды; пропаганда идеалов добра, справедливости, свободы, духовного и культурного возрождения белорусского народа.
Основным видом деятельности учреждения является издание газеты, деятельность в области радио, рекламная деятельность.
Газета “Калінкавіцкія навіны” выходит 3 раза в неделю (вторник, четверг, суббота) форматом А-3, на 8-16 страницах в цветном варианте. Тираж – свыше 6000 экз.
Першы нумар Калінкавіцкай раённай газеты пад назвай “За бальшавіцкія тэмпы” выйшаў у нядзелю 19 студзеня 1941 г. Яе першым рэдактарам стаў 32-гадовы Кузьма Іванавіч Няхаеў.
Ураджэнец Бярэзінскага раёна Магілёўскай вобласці, з сялян, ён у 1928 г. закончыў Мінскі педтэхнікум, а ў 31-м – фізмат Краснаярскага лесатэхнічнага інстытута. З 28-га па 33-ці гады Кузьма Няхаеў настаўнічаў у пачатковай школе і школе камуністычнай моладзі ў Дзяржынскім раёне Краснаярскага краю.
Пасля разам з сям’ёй перабраўся на Беларусь. Жылі ў Антонаўцы, дзе ён працаваў дырэктарам няпоўнай сярэдняй школы. У маладой сям’і гадавалася трое дзяцей. У верасні 1939 г. К. І. Няхаева прызначылі загадчыкам Калінкавіцкага райана. А калі была арганізавана рэдакцыя, Кузьму Іванавіча прызначылі яе кіраўніком.
Газета выдавалася паўгода, яе выхад перарвала вайна. На жаль, ваенная і пасляваенная біяграфія першага рэдактара нам не вядома.
У гады Вялікай Айчыннай газета ўзнавіла свой выхад пад назвай “Партызан” як орган Калінкавіцкага падпольнага райкама КП (б) Б. Рэдактарам некаторы час быў М. І. Бандарчук, затым Аляксандр Усцінавіч Броўка.
Адразу пасля вызвалення раёна газета ўзнавіла свой выхад. На адказную пасаду рэдактара быў прызначаны нядаўні камісар партызанскага атрада імя Фрунзе 2-й Калінкавіцкай брыгады Іван Баляслававіч Лісецкі.
З кастрычніка 1952 г. згодна з пастановай бюро Калінкавіцкага райкама партыі газета стала выходзіць пад новай назвай – “Сцяг камунізма”. А пастановай бюро Гомельскага абкама партыі ў студзені 1955 г. яе галоўным рэдактарам быў прызначаны Павел Іванавіч Каламіец.
У студзені 1955-га Гомельскі абкам партыі прызначыў на пасаду галоўнага рэдактара раёнкі Івана Рыгоравіча Хазеева.
Ураджэнец в. Хомінка Рэчыцкага (цяпер Лоеўскага) раёна, ён у 1936-м закончыў рабфак лесатэхнічнага інстытута і быў накіраваны на пасаду адказнага сакратара Лоеўскай раённай газеты “Калгасная перамога”. У 1938-1940 гг. працаваў адказным сакратаром і намеснікам рэдактара Веткаўскай газеты “За бальшавіцкія тэмпы”, галоўным рэдактарам Стрэшынскай газеты “Сталінскі шлях”.
У лістападзе 1955 г. галоўным рэдактарам раённай газеты становіцца Васіль Дзямідавіч Шыбінскі.
Ён нарадзіўся ў в. Саланое Жлобінскага раёна ў 1918 г. і пасля заканчэння Жлобінскай васьмігодкі пачаў працаваць у раённай газеце – спачатку літсупрацоўнікам, затым адказным сакратаром. У час вайны знаходзіўся ў эвакуацыі, пасля вызвалення ўзначальваў рэдакцыі Церахоўскай і Кармянскай раённых газет, адначасова з’яўляўся слухачом Рэспубліканскай партшколы. У сакавіку 1955-га быў прызначаны намеснікам галоўнага рэдактара Калінкавіцкай раённай газеты.
На пасадзе галоўнага рэдактара В. Д. Шыбінскага змяніў Іван Фёдаравіч Севярын. Ураджэнец в. Малыя Аўцюкі, ён у 1938-м закончыў Мазырскае педвучылішча і працаваў настаўнікам Ліпаўскай школы.
Наступны галоўны рэдактар раёнкі (яна стала называцца “За камунізм”) – Ганна Андрэеўна Баранава. Перад самай вайной яна закончыла педінстытут і была накіравана на працу ў адну са школ Гомеля. Але з пачаткам вайны яна вярнулася ў родныя Свяцілавічы да бацькоў. У 1943-м Г. А. Баранава – адказны сакратар Свяцілавіцкай раённай газеты, а пасля заканчэння ў 55-м годзе Рэспубліканскай партшколы працавала на розных пасадах у газетах Светлагорскага, Даманавіцкага і Буда-Кашалёўскага раёнаў. На пасадзе галоўнага рэдактара Калінкавіцкай раённай газеты Г. А. Баранава знаходзілася 13 гадоў.
Іван Сямёнавіч Засімовіч пачынаў сваю працоўную біяграфію ў якасці загадчыка Бабруйкаўскай хаты-чытальні Ельскага раёна. Затым працаваў у Беларускай канторы бурэння, а пасля службы ў арміі (1956-1960 гг.) – інспектарам па ўліку асабовага саставу адной з вайсковых часцей.
У 1963 г. Іван Сямёнавіч прыйшоў на работу ў газету, займаў розныя пасады – ад літсупрацоўніка да намесніка галоўнага рэдактара. А са снежня 1976-га і на працягу наступных 16-ці гадоў ён – галоўны рэдактар раённай газеты.
У 1992 г. калектыў рэдакцыі газеты, якая з 1991 г. называецца “Калінкавіцкія навіны”, узначаліў Іван Іванавіч Гарыст.
Мінаюць гады, змяняюцца пакаленні. Але ў сваёй паўсядзённай дзейнасці сённяшнія супрацоўнікі раённай газеты разам з рознабаковымі навацыямі захоўваюць і лепшыя традыцыі папярэднікаў, творча выкарыстоўваюць і памнажаюць іх набыткі ў інфармаванні насельніцтва, раённым летапісанні.
У гэтым і ёсць яе асноўная задача.