У БУДУЧЫНЮ – З НАДЗЕЯЙ
8 мая у Доме мастацкай самадзейнасці аграгарадка Сырод прайшла 36-я сацыяльна-творчая праграма «У будучыню – з надзеяй», арганізаваная Дэпартаментам па ліквідацыі наступстваў катастрофы на Чарнобыльскай АЭС МНС, Міністэрства культуры і Беларускі фонд міру.
Штогод праграма адкрывае новыя імёны юных зорачак у пацярпелых раёнах. На сцэне ў Сыродзе сёлета выступілі Арцём Сезоненка, Вераніка Самбук, Ксенія Скробат, Ксенія Бандаровіч і Крысціна Жура. Усе яны былі адзначаны дыпломамі сацыяльна-творчай праграмы і медалямі, якія атрымалі з рук заснавальніка праекта Кацярыны Копелевай і кампазітара Аляксандра Балотнікава.
У гэты ж вечар на сцэне ў аграгарадку выступілі заслужаны калектыў Рэспублікі Беларусь фальклорны ансамбль «Купалінка» (мастацкі кіраўнік – народны артыст Беларусі Алена Цялькова), а таксама майстры мастацтваў беларускай эстрады і салісты Белдзяржфілармоніі.
Аляксандр Века.
Фота Мікалая Барысенкі.
