Знялі відэаабзор і арганізавалі анлайн-віктарыну
Да юбілею вялікага паэта па ўсёй рэспубліцы арганізавана шмат мерапрыемстваў – кніжныя выставы, прэзентацыі, канцэрты. Не засталіся ўбаку ад знакавай даты і бібліятэкі Калінкавіцкага раёна.
Ва ўсіх іх арганізаваны выставы біяграфічнай літаратуры і зборнікаў твораў паэта. Акрамя таго, Цэнтральная раённая бібліятэка прапанавала сваім чытачам прыняць удзел у анлайн-віктарыне «Спявак роднага краю» на старонцы ўстановы культуры ў сацыяльнай сетцы «Аднакласнікі», а таксама зняла відэаабзор творчасці Максіма Багдановіча «Светлы свет будзе вечна жывым».
Дзіцячая бібліятэка на сваіх старонках у сацыяльных сетках запрасіла маленькіх чытачоў паўдзельнічаць у паэтычным марафоне «Нязгасная зорка паэта».
Гарадская бібліятэка сумесна з бібліятэкай базавай школы №5 падрыхтавала для самых маленькіх чытачоў прыемныя прызы за выразнае чытанне вершаў Максіма Багдановіча. А для вучняў старэйшых класаў – біяграфічную выставу, прысвечаную зорцы беларускай літаратуры і літаратурную гадзіну з прэзентацыяй факсімільнага выдання першага зборніка паэта «Вянок», надрукаванага ў Вільні ў 1913 годзе.
Паліна СВЯТЛОВА.
На здымку: літаратурная гадзіна ў БШ №5.
