Палешукі ў шосты раз сабралі сяброў на «Кліч Палесся» у Ляскавічах

IMG_7427

VI Міжнародны фестываль этнакультурных традыцый “Кліч Палесся” прайшоў у мінулую субботу ў аграгарадку Ляскавічы Петрыкаўскага раёна. Дзясяткі тысяч гасцей з’ехаліся сюды з 10 краін свету. Іх сустракалі 11 раёнаў беларускага Палесся з Гомельскай і Брэсцкай абласцей, якія прадстаўлялі на стылізаваных падворках дасягненні і каларыт кожнага раёна.

У ліку ганаровых гасцей свята быў віцэ-прэм’ер Беларусі Аляксандр Субоцін, старшыня Гомельскага аблвыканкама Генадзь Салавей, памочнік прэзідента Юрый Шулейка, міністр інфармацыі Ігар Луцкі, намеснік міністра культуры Наталля Карчэўская, прадстаўнікі дэпутацкага корпуса і дыпмісій. Упершыню гасцямі свята сталі дыпламаты з Расіі, Арменіі, Азербайджана, Балгарыі, Ірана, Літвы, Пакістана, Палесціны, Судана і Узбекістана.

Выступаючы на цырымоніі адкрыцця свята, віцэ-прэм’ер адзначыў, што гэта мерапрыемства стала для нашай рэспублікі ўжо брэндавым.

IMG_7429

— Сёння Палессе — гэта магутны індустрыяльны і культурны цэнтр. Яно змяняецца на вачах. Мадэрнізуюцца прадпрыемствы, хуткімі тэмпамі будуецца жыллё, узводзіцца шэраг сацыяльных аб’ектаў, — сказаў Аляксандр Субоцін. У цэлым фестываль, на яго думку, спрыяе таму, каб як мага больш людзей даведаліся пра Беларусь не па чутках, а пабачылі сваімі вачыма. І сёлетні фестываль, безумоўна, унясе дастойны ўклад у далейшае развіццё і дабрабыт Палескага рэгіёну.

Фестываль у Ляскавічах з’яўляецца найбуйнейшым на Палессі. Ён накіраваны на захаванне і папулярызацыю этнакультур, умацаванне сувязяў паміж рэгіёнамі. А праводзіцца ён з 2010 года па ініцыятыве кіраўніка нашай дзяржавы. Яго арганізатарамі з’яўляюцца Міністэрства культуры Беларусі, Гомельскі і Брэсцкі аблвыканкамаы, Нацыянальны парк “Прыпяцкі”.

Старшыня Гомельскага аблвыканкама Генадзь Салавей, вітаючы гасцей свята, адзначыў, што ў самага маладога ў рэгіёне фестывалю вялікая будучыня:

— Яго поспех вызначылі тры складнікі — унікальная маляўнічая прырода, найбагацейшая гісторыка-культурная спадчына і аўтэнтычныя народныя абрады і рамёствы. Плюс — працавітасць, гасцінны характар палешукоў і іх вялікія сэрцы, якія ўмеюць шчыра любіць і радавацца. Сёння на абноўленай пляцоўцы мы з вамі чуем беларускую мову. Мы бачым нашы самабытныя калектывы, якія паказваюць свае прамысловыя і іншыя напрамкі. І гэтая пляцоўка з’яўляецца не месцам барацьбы, а адзінства, месцам, дзе мы з вамі аб’ядналіся за сваю сувярэнную Беларусь, можам выказаць свае словы і думкі.

IMG_9564

Фестывалю гэтага года папярэднічала маштабная рэканструкцыя, праведзеная ў Ляскавічах — на набярэжнай ўзвялі цэлую вёску і мноства цікавых аб’ектаў, якія захаваюцца і пасля фестывалю, абсталявалі выдатную гульнявую пляцоўку для дзяцей.

Словам, Ляскавічы падрыхтаваліся грунтоўна. Фестывальныя пляцоўкі ператварыліся ў своеасаблівы гісторыка-этнаграфічны музей пад адкрытым небам. Узведзены цэлы шэраг новых аб’ектаў гісторыка-этнаграфічнага комплексу “Музей пад адкрытым небам”. Удзельнікі і госці свята наведалі млын, кузню, майстэрні ганчара, саломапляцення, ткацтва, лозапляцення, бондарства, дамы рыбака і паляўнічага, кафэ ў стылі народных традыцый. На выставах-кірмашах рамеснікаў можна было не толькі набыць тавар, які спадабаўся, але і навучыцца яго вырабляць.

У гэты раз у праграме фестывалю было нямала мерапрыемстваў з паметкай “ўпершыню”. Сярод іх, у прыватнасці, выставы-рамеснікаў і майстроў Палесся з правядзеннем майстар-класаў, інтэрактыўная пляцоўка “Хлеб майго Палесся”.

IMG_9591

IMG_9593

Сама ж ідэя правядзення фестывалю сёлета была заснавана на прэзентацыі беларускай міфалогіі. Міфалагічныя элементы захаваліся ў культуры жыхароў Палесся па сённяшні дзень, што з’яўляецца сведчаннем старажытнасці, архаічнасці нашай культуры. Госці фестывалю патрапілі ў дзіўны, фантастычны і загадкавы свет нашых продкаў, акунуліся ў па-сапраўднаму незвычайную, асаблівую атмасферу.

На падворках былі прадстаўлены інсцэніроўкі з удзелам міфалагічных персанажаў. На кожным двары гасцей сустракалі песнямі, танцамі і арыгінальнымі стравамі. Дарэчы, меню і рэпертуар адлюстроўвалі традыцыі той ці іншай мясцовасці.

IMG_9596

IMG_9555

IMG_9542

Артысты з Калінкавіцкага раёна ярка, весела і каларытна прадставілі падворак “Шэшкавы пацешкі” — театралізаванай пастаноўкай, выставамі народных майстроў і прэзентацыяй кніг нашага таленавітага земляка Віталія Куліка, лаўрэата абласной літаратурнай прэміі імя К.Тураўскага. Гасцям прапанавалі згуляць у шышкабол, збіць масла, частавалі караваем віцэ-прэм’ера і ўручылі ўсім ганаровым гасцям сувяніры з лаўкі “Шышкавы забаўлянкі”.

Дарэчы, калінкавічане былі і ўдзельнікамі круглага стала па пытаннях развіцця рэгіянальнага турызму ў Рэспубліцы Беларусь, які прайшоў у рамках фестывалю. Аб перспектывах развіцця рэгіянальнага турызму на прыкладзе Калінкавіцкага раёна яго ўдзельнікам расказала в.а. загадчыка сектара спорту і турызму райвыканкама Святлана Сялюк, якая выступала з прэзентацыяй турыстычнага маршруту ТАА “Экатурпраект” і знаёміла гасцей з развіццём турызму ў нашым раёне.

Ва ўрачыстай цырымоніі адкрыцця фестывалю прымалі ўдзел лепшыя калектывы Беларусі, Расіі, Украіны. Народны вакальны ансамбль “Галасы Калінкавіч” адкрываў святочную канцертную праграму.

IMG_7450

IMG_7456

Чаго хапала на фестывалі, дык гэта песень — на любы густ і на розных мовах. На вялікай сцяне спявалі і танцавалі артысты з Беларусі і краін-суседак: Нацыянальны акадэмічны народны хор Рэспублікі Беларусь імя Г.І. Цітовіча, эстрадны-сімфанічнічны аркестр імя Ю.А. Васілеўскага, вакальная група “Чысты голас”, фальклорны ансамбль славянскай песні “Збіцень” Гомельскай абласной філармоніі, ансамбль народнай музыкі “Бяседа”, дзіцячы харэаграфічны калектыў “ВІП пакаленне” Курскай дзяржаўнай абласной філармоніі.

На вялікай сцэне выступілі пераможцы шоу “Х-фактар” — група “Лісапетны батальён” і яе кіраўнік Наталля Фаліон з Украіны.

Традыцыйна на фестывалі прысвоілі званне “Ганаровы паляшук”. У гэтым годзе яго атрымалі старшыня Пастаяннай камісіі па рэгіянальнай палітыцы і мясцовым самакіраванні Савета Рэспублікі Міхаіл Русы, дырэктар прадпрыемства “Спецжалезабетон” Васіль Басевіч і генеральны дырэктар “Беларуснафты” Аляксандр Ляхаў.

Міхаіл Русы, выступаючы з адказным словам, адзначыў, што яму заўсёды вельмі прыемна прыязджаць на родную зямлю і бачыць, як яна развіваецца і квітнее. Таксама ён выказаў падзяку нашаму Прэзідэнту, які не змог прыехаць на фестываль, але ў бліжэйшы час абяцаў наведаць абноўлены рэгіён.

— У 1996 годзе кіраўнік дзяржавы прыняў рашэнне актыўна развіваць Палескі накірунак. Пабудавалі новую вытворчасць, масты, аднавілі дарогі і культурныя каштоўнасці. Мы падтрымалі гэты ўнікальны край. Я нарадзіўся ў вёсцы непадалёку ад Турава, і добра ведаю, якія людзі тут жывуць. Гэта людзі са знакам якасці, — сказаў беларускі сенатар.

Астатнія выступаючыя таксама сыйшліся ў меркаванні, што мерапрыемствы, падобныя “Клічу Палесся”, патрэбныя ў першую чаргу таму, што спрыяюць выхаванню патрыятызму, любові і павагі да роднай зямлі.

IMG_9611

IMG_7462

IMG_7488

Да позняга вечара ўдзельнікі свята спявалі і танцавалі, частаваліся прысмакамі, ад якіх разбягаліся вочы на гандлёвых радах “Палескі кірмаш”, каталіся па Прыпяці на цеплаходзе і лодках, захапляліся паказальнымі выступленнямі спартсменаў-парашутыстаў.

У праграме фестывалю было шмат пацех і конкурсаў. На “Клічы Палесся” прайшоў міжрэгіянальны конкурс прыгажосці і грацыі “Палеская Прыгажуня”. Крыху раней на спартыўнай пляцоўцы выбралі самага моцнага палешука.

Завяршылася свята этнакультурных традыцый святочным феерверкам і дыскатэкай “Танцуй, Палессе!” з удзелам лепшых калектываў і выканаўцаў Гомельскай вобласці, прадзюсарскага цэнтра абласной філармоніі і спецыяльнага госця фестывалю Сашы Нэма.

Творчая дэлегацыя Калінкавіцкага раёна вярнулася з фестывалю з дыпломам за актыўны ўдзел і папулярызацыю беларускай культуры.

Таццяна КАПІТАН.

Фота Мікалая БАРЫСЕНКІ.

IMG_7491

IMG_7494

IMG_7499

IMG_7505

IMG_7508

IMG_9618

IMG_9643

IMG_9650

IMG_9652

IMG_9667

IMG_7514

IMG_7516

IMG_7526

IMG_7528

IMG_7529

IMG_7534

IMG_7543

IMG_7547

IMG_7554

IMG_7560

IMG_7568

IMG_7576

IMG_7586

IMG_7588

IMG_7591

IMG_7595

IMG_7596

IMG_7606

IMG_7610

IMG_7612

IMG_7614

IMG_7624

IMG_7628

IMG_7631

IMG_7632

IMG_7635

IMG_7642

IMG_7645

IMG_7648

IMG_7654

IMG_7662

IMG_7663

IMG_9677

IMG_9681

IMG_9698

IMG_9699

IMG_7674

IMG_7675

IMG_7680

IMG_7682

IMG_7685

IMG_7689

IMG_7715

изображение_viber_2020-08-29_23-07-56

IMG_7717

IMG_7721

IMG_7723

IMG_7726

IMG_7741

IMG_7746

IMG_7749

IMG_7752

IMG_7765

IMG_7768

IMG_7771

IMG_7773

IMG_7774

IMG_9705

IMG_9708

IMG_9711

IMG_9715

изображение_viber_2020-08-29_13-18-41

IMG_9717

IMG_9720

IMG_9730

IMG_9733

IMG_9734

IMG_9749

IMG_9752

IMG_9755

IMG_9756

IMG_9758

IMG_9762

IMG_9767

IMG_9776

IMG_9778

IMG_9785

IMG_9787

IMG_7781

IMG_7783

IMG_7787

 

Добавить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.