Прадстаўнікі Калінкавіцкага раёна 22 верасня ўзялі ўдзел у пятым Міжнародным фестывалі этнакультурных традыцый у аг. Ляскавічы Петрыкаўскага раёна

Урачыстае адкрыццё знакамітага фэсту на гэты раз даверылі нашаму  народнаму тэатру “Вясёлыя аўцюкоўцы”, якія не толькі выдатна справіліся з адказным заданнем, але на працягу ўсяго урачыстага прадстаўлення былі вядучымі праграмы.

IMG_8270

Сёлета на «Кліч Палесся»адгукнуліся больш за 1,7 тыс. артыстаў, каля 20 тыс. гасцей з Беларусі, Расіі, Украіны, Польшчы і нават Індыі.

Сярод ганаровых гасцей свята былі старшыня Гомельскага аблвыканкама Уладзімір Дворнік, старшыня Брэсцкага аблвыканкама Анатоль Ліс, памочнік Прэзідэнта-інспектар па Гомельскай вобласці Юрый Шулейка, міністр культуры Юрый Бондар, намеснік міністра інфармацыі Ігар Бузоўскі.

 «Вельмі рады, што ў культурным жыцці краіны ёсць такая яркая падзея, як «Кліч Палесся», — адзначыў Міністр культуры Беларусі Юрый Бондар на адкрыцці культурнага форуму. — Фестываль атрымаў жыццё дзякуючы ініцыятыве Кіраўніка дзяржавы. З кожным годам форум развіваецца, яго праграма адкрывае самыя патаемныя куткі багатай беларускай культуры, якая з’яўляецца асновай нашай нацыянальнай ідэнтычнасці «.

Міністр культуры перадаў арганізатарам, удзельнікам і гасцям форуму прывітальны адрас ад Прэзідэнта Беларусі Аляксандра Лукашэнкі.

У чарговы раз на фестывалі  назвалі “Ганаровых паляшукоў”. Сёлета  імі  сталі: знакаміты наш зямляк – калінкавічанін —  беларускі байдарачнік, алімпійскі чэмпіён, сяміразовы чэмпіён свету, заслужаны майстар спорту Беларусі Раман Петрушэнка  і нязменны кіраўнік заслужанага народнага аматарскага ансамбля «Выцінанка» Столінскага дома культуры Пётр Астапчук.

Галоўнай фішкай фэсту сталі  падворкі з дэгустацыямі і аўтэнтычнымі майстар-класамі, якія  разгарнуліся на 3 км усцяж наберажнай ляскавіцкага канала. Кожны з іх адлюстроўваў  гісторыю і традыцыі адной з беларускіх вёсак з незвычайнай назвай: Мальцы, Бабры, Шпількі, Сукачы, Хлябы, Якімы…. На адзін дзень яны аб’ядналіся  ў адну Палескую вобласць пад лозунгам «У сваім краі, як у раі».

Сваю праграму тут прадставілі творчыя калектывы, майстры і рамеснікі з Жыткавіцкага, Ельскага, Калінкавіцкага, Лельчыцкага, Мазырскага, Нараўлянскага, Петрыкаўскага, Хойніцкага раёнаў Гомельскай вобласці і Лунінецкага, Пінскага і Столінскага раёнаў Брэсцкай вобласці.

Калінкавіцкі раён выдатна абыграў сваё прадстаўленне праз паданне аб утварэнні назвы вёскі Булаўкі.

На фестывалі многія мерапрыемствы прайшлі пад хэштэгам «упершыню». Напрыклад, на пляцоўцы бытавога танца «Танчым па-даўнейшаму» ансамблі-народнікі прадстаўлялі адроджаныя і добра вядомыя нацыянальныя бытавыя танцы.

Усе жадаючыя маглі акунуцца ў атмасферу традыцыйных народных гульняў і забаў на свяце «Сярод вёскі карагод».

А на свяце народных тэатраў » Батлейка.ку » можна было не толькі паглядзець прадстаўленні, але і ўласнаручна змайстраваць тэатральныя лялькі або рэквізіт.

Выхаванцы аддзела коннага спорту цэнтра алімпійскага рэзерву па прыкладных відах спорту далі майстар-класы па трукавай яздзе, джыгітоўцы.

З навінкамі кнігавыдання і свежымі навінамі рэгіёнаў  і краіны гасцей фестывалю знаёміла  інтэрактыўная экспазіцыя «Фестываль кнігі і прэсы», у якой самы актыўны ўдзел пры дапамозе этнаграфічнага ансабля “Бярозаўскія пералівы” Бярозаўскага  СДК пад кіраўніцтвам Паліны Лапацік прыняла газета “Калінкавіцкія навіны”.

Выбраць экскурсійны тур або пуцёўку ў беларускія здраўніцы госці фестывалю маглі  на выставе турыстычнага патэнцыялу Гомельскай вобласці.

У канцэртнай праграме разам з творчымі калектывамі раёнаў і абласцей выступілі леташнія ўдзельнікі «Еўрабачання», гурт NаviBаnd, Нацыянальны канцэртны аркестр Беларусі пад кіраўніцтвам маэстра Міхаіла Фінберга.

Адным словам, было шмат-шмат усяго цікавага. Кожны знайшоў для сябе што паглядзець і чаму здзівіцца.

Завяршыўся фестываль маладзёжнай шоу-праграмай з удзелам гурта «Дразды».

Пад час фестывалю  выбралі самую прыгожую дзяўчыну Палесся на конкурсе «Палеская прыгажуня-2018». Пераможцай стала Юлія Герасіменка з Петрыкава. Ёй уручылі каштоўны прыз ад ВА «Крышталь».

Фестываль этнакультурных традыцый прадоўжыла   маладзёжная дыскатэка.

А роўна ў 22.00 неба над Палессем асвяцілі агні святочнага феерверка.

IMG_8563

IMG_8582

IMG_8594

IMG_8614

IMG_8723

IMG_8784

IMG_8799

IMG_8818

IMG_8838

IMG_8844

IMG_8846

IMG_8875

IMG_8912

IMG_8920

IMG_8955

IMG_8965

IMG_8969

IMG_8996

Янка Стадалюк.

Фота Мікалая Барысенкі.

Добавить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.